اب شراب اور جوئے کے بارے میں  بھی آخری حکم آ رہا ہے۔

آیت 90:   یٰٓــاَیـُّـہَا الَّذِیْنَ اٰمَنُوْٓا اِنَّمَا الْخَمْرُ وَالْمَیْسِرُ وَالْاَنْصَابُ وَالْاَزْلاَمُ رِجْسٌ مِّنْ عَمَلِ الشَّیْطٰنِ فَاجْتَنِبُوْہُ لَـعَلَّـکُمْ تُفْلِحُوْنَ:  ،،اے اہل ِایمان،  یقینا شراب اور جوا،  بت اور پانسے، یہ سب گندے کام ہیں  شیطان کے عمل میں  سے،  تو ان سے بچ کر رہو تا کہ تم فلاح پاؤ۔ ،،

            شراب اور جوئے کے بارے میں  تو پہلے بھی حکم آ چکا ہے، لیکن ،،اَنصاب،، اور ،،اَزلام،، کا یہاں  اضافہ کیا گیا ہے۔ اَنصاب سے مرادبتوں  کے استھان ہیں اور اَزلام جوئے ہی کی ایک قسم تھی جس میں  اہل ِعرب تیروں  کے ذریعے پانسے ڈالتے تھے،  قرعہ اندازی کرتے تھے۔  ان تمام کاموں  کو  رِجْسٌ مِّنْ عَمَلِ الشَّیْطٰنِ قرار دے دیا گیا۔    ُ