آیت ۹۱:    اِنَّ الَّذِیْنَ کَفَرُوْا وَمَاتُوْا وَہُمْ کُفَّارٌ:  ’’یقینا وہ لوگ جنہوں نے کفر کیا اور مر گئے اسی حال میں کہ وہ کافر تھے‘‘

             فَلَنْ یُّـقْبَلَ مِنْ اَحَدِہِمْ مِّلْئُ الْاَرْضِ ذَہَبًا وَّلَــوِ افْتَدٰی بِہ:  ’’تو ان میں سے کسی سے زمین کی مقدار کے برابر سونا بھی فدیے میں قبول نہیں کیا جائے گا اگر وہ پیش کر سکے۔‘‘

            ظاہر ہے کہ یہ محال ہے‘ نا ممکن ہے‘ لیکن یہ بات سمجھانے کے لیے کہ وہاں پر کوئی فدیہ نہیں ہے فرمایا کہ اگر کوئی زمین کے حجم کے برابر سونا دے کر بھی چھوٹنا چاہے گا تو نہیں چھوٹ سکے گا۔ یہ وہی بات ہے جو سورۃ البقرۃ کی آیت: 48 اور آیت: 123 میں فرمائی گئی کہ اُس دن کسی سے کوئی فدیہ نہیں لیا جائے گا۔

             اُولٰٓئِکَ لَہُمْ عَذَابٌ اَلِیْـمٌ: ’’یہ وہ لوگ ہیں کہ جن کے لیے دردناک عذاب ہے‘‘

             وَّمَا لَہُمْ مِّنْ نّٰصِرِیْنَ: ’’اور نہیں ہوں گے ان کے لیے کوئی مدد کرنے والے۔‘‘