آیت 84:    قُلْ اٰمَنَّا بِاللّٰہِ وَمَــآ اُنْزِلَ عَلَـیْـنَا:  «کہیے ہم ایمان لائے اللہ پر اور جو نازل کیا گیا ہم پر»

            یاد رہے کہ سورۃ البقرۃ کی آیت: 136 میں تھوڑے سے لفظی فرق کے ساتھ یہی مضمون بیان ہوا ہے۔

             وَمَـآ اُنْـزِلَ عَلٰٓی اِبْرٰھِیْمَ وَاِسْمٰعِیْلَ وَاِسْحٰقَ وَیَعْقُوْبَ وَالْاَسْبَاطِ:  «اور جو کچھ نازل کیا گیا ابراہیم ‘ اسماعیل ‘ اسحاق ‘ یعقوب اور ان کی اولاد پر»

             وَمَــآ اُوْتِیَ مُوْسٰی وَعِیْسٰی وَالنَّبِـیُّــوْنَ مِنْ رَّبـِّـہِمْ:  «اور جو بھی موسٰی ‘ عیسٰی  اور تمام انبیاء  کو دیا گیا ان کے ربّ کی طرف سے۔»

             لاَ نُـفَرِّقُ بَیْنَ اَحَدٍ مِّنْہُمْ وَنَحْنُ لَــہ مُسْلِمُوْنَ:  «ہم ان میں سے کسی ایک کے مابین بھی کوئی تفریق نہیں کرتے ‘اور ہم تو اللہ ہی کے فرمان بردار ہیں۔»