آیت 137:    قَدْ خَلَتْ مِنْ قَبْلِکُمْ سُنَنٌ: ’’تم سے پہلے بھی بہت سے حالات و واقعات گزر چکے ہیں‘‘

             فَسِیْرُوْا فِی الْاَرْضِ:  ’’تو زمین میں گھومو پھرو‘‘

             فَانْظُرُوْا کَیْفَ کَانَ عَاقِـبَۃُ الْمُکَذِّبِیْنَ:  ’’اور دیکھو کہ کیسا انجام ہوا جھٹلانے والوں کا!‘‘

            قریش کے تجارتی قافلے شام کی طرف جاتے تھے تو راستے میں قومِ ثمود کا مسکن بھی آتا تھا اور وہ بستیاں بھی آتی تھیں جن میں کبھی حضرت لوط نے تبلیغ کی تھی۔ ان کے کھنڈرات سے عبرت حاصل کرو کہ ان کے ساتھ کیا کچھ ہوا۔