آیت 111:    لَنْ یَّضُرُّوْکُمْ اِلاَّ اَذًی:  ’’(اے مسلمانو!) یہ تمہیں کوئی نقصان نہیں پہنچا سکیں گے سوائے تھوڑی سی کوفت کے۔‘‘

            یہ تمہارے لیے تھوڑی سی زبان درازی اور کوفت کا سبب تو بنتے رہیں گے‘ لیکن یہ بالفعل تمہیں کوئی ضرر نہیںپہنچا سکیں گے۔

              وَاِنْ یُّـقَاتِلُوْکُمْ یُوَلُّــوْکُمُ الْاَدْبَارَ:  ’’اور اگر یہ تم سے جنگ کریں گے تو پیٹھ دکھا دیں گے۔‘‘

            ان میں جرأت نہیں ہے‘ یہ بزدل ہیں‘ تمہارا مقابلہ نہیں کر سکیں گے۔

             ثُمَّ لاَ یُنْصَرُوْنَ:  ’’پھر ان کی مدد نہیں کی جائے گی۔‘‘

            یہ ایسے بے بس ہوں گے کہ ان کو کہیں سے مدد بھی نہیں مل سکے گی۔