آيت 27: إِنْ هُوَ إِلاَّ ذِكْرٌ لِّلْعَالَمِينَ: «نهيں هے يه مگر تمام جهان والوں كے ليے ايك ياد دهانى۔»

        قرآن مجيد اس مفهوم ميں ذكر يعنى ياد دهانى هے كه يه انسان كى فطرت ميں پهلے سے موجود حقائق كى ياد تازه كرتا هے۔ در اصل انسان فطرى طور پر الله تعالى كى ذات اور توحيد كے تصور سے آشنا هے، مگر دنيا ميں رهتے هوئے اگر انسان كى فطرت پر غفلت كے پردے پڑجائيں تو وه الله تعالى كو بھول جاتا هے۔ سورة الحشر كى آيت 19 ميں اس حوالے سے هم الله تعالى كا يه حكم پڑھ چكے هيں: (وَلا تَكُونُوا كَالَّذِينَ نَسُوا اللَّهَ فَأَنسَاهُمْ أَنفُسَهُمْ) كه اے اهل ايمان! تم ان لوگوں كى طرح نه هو جانا جو الله كو بھول گئے تو الله نے انهيں اپنے آپ سے هى غافل كرديا۔ بهر حال! غفلت كا نتيجه يه نكلتا هے كه ايمان بالله سے متعلق وه حقائق جو هر انسان كى فطرت ميں مضمر هيں پس پرده چلے جاتے هيں۔ چناں چه قرآنى تعليمات انسانى فطرت ميں موجود ان تمام حقائق كو خفته (dormant) حالت سے نكال كر پھر سے فعال (active) كرنے ميں اس كى مدد كرتى هيں۔