آیت 71:   یٰٓــاََہْلَ الْـکِتٰبِ لِـمَ تَلْبِسُوْنَ الْحَقَّ بِالْبَاطِلِ وَتَـکْتُمُوْنَ الْحَقَّ وَاَنْـتُـمْ تَعْلَمُوْنَ:  «اے اہل کتاب! تم کیوں حق کے اوپر باطل کا ملمع چڑھاتے ہو اور حق کو چھپاتے ہو جانتے بوجھتے؟»

            سورۃ البقرۃ کے پانچویں رکوع میں یہ مضمون بایں الفاظ آیا تھا:  وَلَا تَلْبِسُوا الْحَقَّ بِالْبَاطِلِ وَتَـکْتُمُوا الْحَقَّ وَاَنْـتُمْ تَعْلَمُوْنَ:  «یٰٓــاََہْلَ الْـکِتٰبِ» کے صیغۂ خطاب کے ساتھ ان آیات میں اُسی طرح کا داعیانہ انداز ہے جو سورۃ البقرۃ کے پانچویں رکوع میں ہے۔