آیت 175:  اِنَّمَا ذٰلِکُمُ الشَّیْطٰنُ یُخَوِّفُ اَوْلِیَـآءَہ:  ’’(اے مسلمانو!) یہ شیطان ہے جو تمہیں ڈراتا ہے اپنے ساتھیوں سے‘‘

            وہ تو چاہتا ہے کہ اپنے ساتھی کفار یعنی حزب الشیطان کا خوف تم پر طاری کر دے ۔ اس کے ایک معنی یہ بھی لیے گئے ہیں کہ شیطان اپنے دوستوں کو ڈراتا ہے۔ یعنی شیطان کی اس تخویف کا اثر انہی پر ہوتا ہے جو اس کے ولی ہوتے ہیں‘ لیکن جو اولیاء اللہ ہیں ان پر شیطان کی طرف سے اس قسم کی وسوسہ اندازی کا اثر نہیں ہوتا۔

              فَلاَ تَخَافُوْہُمْ وَخَافُوْنِ:  ’’تو تم ان سے نہ ڈرو‘ مجھ سے ڈرو‘‘

             اِنْ کُنْتُمْ مُّـؤْمِنِیْنَ:  ’’اگر تم مؤمن صادق ہو۔‘‘