آیت 67:    وَاِذْ قَالَ مُوْسٰی لِقَوْمِہ اِنَّ اللّٰہَ یَاْمُرُکُمْ اَنْ تَذْبَحُوْا بَقَرَۃً:   اور یاد کرو جب موسٰی    نے کہا اپنی قوم سے کہ اللہ تمہیں حکم دیتا ہے کہ ایک گائے کو ذبح کرو۔    

             قَالُوْٓا اَتَـتَّخِذُنَا ہُزُوًا:  انہوں نے کہا: کیا آپ  ہم سے کچھ ٹھٹھا کر رہے ہیں؟   

            کیا آپ یہ بات ہنسی مذاق میں کہہ رہے ہیں؟

             قَالَ اَعُوْذُ بِاللّٰہِ اَنْ اَکُوْنَ مِنَ الْجٰہِلِیْنَ:  فرمایا: میں اللہ کی پناہ طلب کرتا ہوں اس سے کہ میں جاہلوں میں سے ہو جاؤں۔    

            ہنسی مذاق اور تمسخر و استہزا تو جاہلوں کا کام ہے اور اللہ کے نبی سے یہ بعید ہے کہ وہ دین کے معاملات کے اندر اِن چیزوں کو شامل کر لے۔