آیت 146:   اَلَّذِیْنَ اٰتَیْنٰہُمُ الْکِتٰبَ یَعْرِفُوْنَہ کَمَا یَعْرِفُوْنَ اَبْنَـآءَ ہُمْ:   جن لوگوں کو ہم نے کتاب دی ہے وہ اس کو پہچانتے ہیں جیسا کہ اپنے بیٹوں کو پہچانتے ہیں۔  

            یہاں یہ نکتہ نوٹ کر لیجیے کہ قرآن حکیم میں تورات اور انجیل کے ماننے والوں میں سے غلط کاروں کے لیے مجہول کا صیغہ آتا ہے  «اُوْتُوا الْـکِتٰبَ»   جنہیں کتاب دی گئی تھی اور جو اُن میں سے صالحین تھے،  صحیح رُخ پر تھے،  ان کے لیے معروف کا صیغہ آتا ہے،  جیسے یہاں آیا ہے۔ «یَعْرِفُوْنَہ» میں ضمیر (ہ) کا مرجع قبلہ بھی ہے،  قرآن بھی ہے اور ٌمحمد رسول اللہ   بھی ہیں۔

             وَاِنَّ فَرِیْقًا مِّنْہُمْ:   البتہ ان میں سے ایک گروہ وہ ہے   

             لَـیَکْتُمُوْنَ الْحَقَّ وَہُمْ یَعْلَمُوْنَ:    جو جانتے بوجھتے حق کو چھپاتا ہے۔