قرآن کریم > البقرة >surah 2 ayat 123
وَاتَّقُوا يَوْمًا لَا تَجْزِي نَفْسٌ عَنْ نَفْسٍ شَيْئًا وَلَا يُقْبَلُ مِنْهَا عَدْلٌ وَلَا تَنْفَعُهَا شَفَاعَةٌ وَلَا هُمْ يُنْصَرُونَ
اور اس دن سے ڈرو جس دن کوئی شخص بھی کسی کے کچھ کام نہیں آئے گا، نہ کسی سے کسی قسم کا فدیہ قبول کیا جائے گا، نہ اس کو کوئی سفارش فائدہ دے گی، اور نہ ان کو کوئی مدد پہنچے گی
فرمایا:
آیت 123: وَاتَّقُوْا یَوْمًا لاَّ تَجْزِیْ نَفْسٌ عَنْ نَّفْسٍ شَیْئًا: اور ڈرو اُس دن سے کہ جس دن کوئی جان کسی دوسری جان کے کچھ بھی کام نہ آ سکے گی
وَّلاَ یُقْبَلُ مِنْہَا عَدْلٌ: اور نہ اُس سے کوئی فدیہ قبول کیا جائے گا
وہاں الفاظ تھے: وَّلاَ یُقْبَلُ مِنْہَا شَفَاعَۃٌ: اور نہ اُس سے کوئی سفارش قبول کی جائے گی.
وَّلاَ تَنْفَعُہَا شَفَاعَۃٌ : اور نہ اسے کوئی سفارش ہی فائدہ دے سکے گی
یہاں «عدل» پہلے اور «شفاعت» بعد میں ہے، وہاں «شفاعت» پہلے ہے اور «عدل» بعد میں۔ بس یہی ایک تبدیلی ہے۔
وَّلاَ ہُمْ یُنْصَرُوْنَ: اور نہ انہیں کوئی مدد مل سکے گی۔
یہ ٹکڑا بھی جوں کا توں وہی ہے جس پر چھٹے رکوع کی دوسری آیت ختم ہوئی تھی۔