آیت 105:    مَا یَوَدُّ الَّذِیْنَ کَفَرُوْا مِنْ اَہْلِ الْکِتٰبِ وَلاَ الْمُشْرِکِیْنَ اَنْ یُّـنَـزَّلَ عَلَـیْکُمْ مِّنْ خَیْرٍ مِّنْ رَّبـِّـکُمْ:   اور نہیں چاہتے وہ لوگ جنہوں نے کفر کیا ہے اہل کتاب میں سے اور مشرکین میں سے کہ نازل ہو تم  پر کوئی بھی خیر تمہارے ربّ کی طرف سے۔  

            جن لوگوں نے دعوتِ حق کو قبول کرنے سے انکار کر دیا ہے ،  خواہ اہل کتاب میں سے ہوں یا مشرکینِ مکہ میں سے،  وہ اس بات پر حسد کی آگ میں جل رہے ہیں کہ یہ کلامِ پاک آپ پر کیوں نازل ہو گیا اور خاتم النبییّن  کا یہ منصب آپ کو کیوں مل گیا۔ وہ نہیں چاہتے کہ اللہ کی طرف سے کوئی بھی خیر آپ کو ملے۔

             وَاللّٰہُ یَخْتَصُّ بِرَحْمَتِہ مَنْ یَّشَآءُ:   اور اللہ خاص کر لیتا ہے اپنی رحمت کے ساتھ جس کو چاہتا ہے۔  

            یہ تو اس کا اختیار اور اس کا فیصلہ ہے۔

             وَاللّٰہُ ذُوالْفَضْلِ الْعَظِیْمِ:   اور اللہ تعالیٰ بڑے فضل والا ہے۔