آیت ۴۴:  وَاَنْذِرِ النَّاسَ یَوْمَ یَاْتِیْہِمُ الْعَذَابُ: «اور (اے نبی !) خبردار کر دیجیے لوگوں کو اُس دن سے جب ان پر عذاب آئے گا »

             فَیَقُوْلُ الَّذِیْنَ ظَلَمُوْا رَبَّنَآ اَخِّرْنَآ اِلٰٓی اَجَلٍ قَرِیْبٍ نُّجِبْ دَعْوَتَکَ وَنَتَّبِعِ الرُّسُلَ: «تو کہیں گے وہ لوگ جنہوں نے ظلم کی روش اختیار کی تھی :اے ہمارے پروردگار! ہمیں مہلت دے دے بس تھوڑی سی مدت تک، ہم تیری دعوت قبول کرلیں گے اور رسولوں کی پیروی کریں گے۔»

             اَوَلَمْ تَکُوْنُوْٓا اَقْسَمْتُمْ مِّنْ قَبْلُ مَا لَکُمْ مِّنْ زَوَالٍ: «(جواب میں کہا جائے گا) کیا تم وہی لوگ نہیں ہو جو پہلے قسمیں کھایا کرتے تھے کہ تمہارے لیے کوئی زوال نہیں ہے۔»

            کہ ہمارا اقتدار، ہماری یہ شان و شوکت، ہماری یہ جاگیریں، یہ سب کچھ ہماری بڑی سوچی سمجھی منصوبہ بندیوں کا نتیجہ ہے، انہیں کہاں سے زوال آئے گا!