آیت ۵۴:  وَقَالَ الْمَلِکُ ائْتُوْنِیْ بِہٓ اَسْتَخْلِصْہُ لِنَفْسِیْ: « اور بادشاہ نے (اب فیصلہ کن انداز میں) کہا کہ اُس کو میرے پاس لے آؤ، میں اُسے اپنا مصاحب ِخاص بناؤں گا۔»

             فَلَمَّا کَلَّمَہ قَالَ اِنَّکَ الْیَوْمَ لَدَیْنَا مَکِیْنٌ اَمِیْنٌ: « تو جب بادشاہ نے آپ سے بات چیت کی توکہا کہ آج کے دن سے آپ ہمارے نزدیک بڑے با عزت اور معتبر انسان ہیں۔»

            آج سے آپ کا شمار ہمارے خاص مقربین میں ہو گا اور اس لحاظ سے مملکت کے اندر آپ کا ایک خاص مقام ہو گا۔ آپ کی امانت و دیانت پر ہمیں پورا پورا بھروسا ہے۔