آیت ۱۰۳:  وَمَآ اَکْثَرُ النَّاسِ وَلَوْ حَرَصْتَ بِمُؤْمِنِیْنَ: « اور بہت سے لوگ ایمان لانے والے نہیں ہیں، چاہے آپ کتنی ہی خواہش رکھیں۔»

            ان منکرین ِحق نے اپنی طرف سے ایک سوال کیا تھا، ہم نے اس کا مفصل جواب دے دیا ہے۔ مگر اس کا یہ مطلب نہیں ہے کہ اس قدر عمدہ اور خوبصورت جواب پا کر وہ لوگ ایمان بھی لے آئیں گے۔ نہیں ایسا نہیں ہو گا۔ ان میں سے اکثر لوگ آپ کی شدید خواہش کے باوجود بھی ایمان نہیں لائیں گے۔