البروج

قسم ہے بُرجوں والے آسمان کی

اور اُس دن کی جس کا وعدہ کیا گیا ہے

اور حاضر ہونے والے کی اور اُس کی جس کے پاس لوگ حاضر ہوں

کہ خدا کی مار ہے اُن خندق (کھودنے) والوں پر

اُس آگ والوں پر جو ایندھن سے بھری ہوئی تھی

جب وہ اُس کے پاس بیٹھے تھے

اور وہ ایمان والوں کے ساتھ جو کچھ کر رہے تھے، اُس کا نظارہ کرتے جاتے تھے

اور وہ ایمان والوں کو کسی اور بات کی نہیں ، صرف اس بات کی سزا دے رہے تھے کہ وہ اُس اﷲ پر ایمان لے آئے تھے جو بڑے اقتدار والا، بہت قابلِ تعریف ہے

جس کے قبضے میں سارے آسمانوں اور زمین کی سلطنت ہے۔ اور اﷲ ہر چیز کو دیکھ رہا ہے

یقین رکھو کہ جن لوگوں نے مومن مردوں اور مومن عورتوں کو ظلم کا نشانہ بنایا ہے، پھر توبہ نہیں کی ہے، اُن کیلئے جہنم کا عذاب ہے، اور اُن کو آگ میں جلنے کی سزا دی جائے گی