البروج

جو لوگ ایمان لائے ہیں ، اور انہوں نے نیک عمل کئے ہیں ، اُن کیلئے بیشک (جنت کے) ایسے باغات ہیں جن کے نیچے نہریں بہتی ہیں ۔ یہ ہے بڑی کامیابی !

حقیقت یہ ہے کہ تمہارے پروردگار کی پکڑ بہت سخت ہے

وہی پہلی مرتبہ پیدا کرتا ہے، اور وہی دوبارہ پیدا کرے گا

اور وہ بہت بخشنے والا، بہت محبت کرنے والا ہے

عرش کا مالک ہے، بزرگی والا ہے

جو کچھ ارادہ کرتا ہے، کر گذرتا ہے

کیا تمہارے پاس اُن لشکروں کی خبر پہنچی ہے

فرعون اور ثمود (کے لشکروں ) کی؟

اس کے باوجود کافر لوگ حق کو جھٹلانے میں لگے ہوئے ہیں

جبکہ اﷲ نے اُن کو گھیرے میں لیا ہوا ہے