آیت ۵۶:  لَا یَذُوْقُوْنَ فِیْہَا الْمَوْتَ اِلَّا الْمَوْتَۃَ الْاُوْلٰی وَوَقٰہُمْ عَذَابَ الْجَحِیْمِ: ’’وہ نہیں چکھیں گے اس میں موت سوائے اس پہلی موت کے‘ اور اللہ نے انہیں بچا لیا ہے جہنم کے عذاب سے۔‘‘

          دنیا میں انہیں جو موت آئی تھی وہی ان کی آخری موت ہو گی‘ اب انہیں موت کی سختی کا کبھی سامنا نہیں کرنا پڑے گا اور جنت میں ان کا قیام ہمیشہ ہمیش کے لیے ہو گا۔ اَللّٰھُمَ رَبَّنَا اجْعَلْنَا مِنْھُمْ! دعا ہے کہ اللہ تعالیٰ ہمیں بھی اپنے ان بندوں میں شامل کر لے‘ آمین!