آیت ۴۶   وَمِنْ اٰیٰتِہٖٓ اَنْ یُّرْسِلَ الرِّیَاحَ مُبَشِّرٰتٍ: ’’اور اُس کی نشانیوں میں سے یہ بھی ہے کہ وہ بھیجتا ہے ہواؤں کو بشارت دینے والی بنا کر‘‘

        وَّلِیُذِیْقَکُمْ مِّنْ رَّحْمَتِہٖ: ’’اورتا کہ وہ تمہیں مزہ چکھائے اپنی رحمت کا‘‘

      تا کہ بارانِ رحمت برسا کر تمہیں ا س کے ثمرات سے مستفیض ہونے کا موقع فراہم کرے۔

        وَلِتَجْرِیَ الْفُلْکُ بِاَمْرِہٖ وَلِتَبْتَغُوْا مِنْ فَضْلِہٖ وَلَعَلَّکُمْ تَشْکُرُوْنَ: ’’اور اس لیے بھی کہ اُسی کے حکم سے کشتیاں چلیں ، اور تا کہ تم (ان کشتیوں پر سوار ہو کر) اُس کا فضل تلاش کرو اور تاکہ تم اس کا شکرادا کرو۔‘‘