آیت ۳۶   وَاِذَآ اَذَقْنَا النَّاسَ رَحْمَۃً فَرِحُوْا بِہَا: ’’اور جب ہم لوگوں کو اپنی رحمت کا مزہ چکھاتے ہیں تو وہ اس پر اِترانے لگتے ہیں ۔‘‘

        وَاِنْ تُصِبْہُمْ سَیِّئَۃٌ بِمَا قَدَّمَتْ اَیْدِیْہِمْ اِذَا ہُمْ یَقْنَطُوْنَ: ’’اور اگران پر کوئی مصیبت آجاتی ہے ان کے اپنے ہاتھوں کی کمائی کے سبب، تو جبھی وہ آس توڑ دیتے ہیں ۔‘‘

      موافق حالات میں تو یہ لوگ اپنی کامیابیوں پر پھولے نہیں سماتے، لیکن اگر ان کے اپنے ہی کرتوتوں کے سبب کبھی ان پر برا وقت آ جاتا ہے تو مایوسی سے گویا ان کی کمر ہی ٹوٹ جاتی ہے۔