قرآن کریم > آل عمران >surah 3 ayat 77
إِنَّ الَّذِينَ يَشْتَرُونَ بِعَهْدِ اللَّهِ وَأَيْمَانِهِمْ ثَمَنًا قَلِيلاً أُوْلَئِكَ لاَ خَلاَقَ لَهُمْ فِي الآخِرَةِ وَلاَ يُكَلِّمُهُمُ اللَّهُ وَلاَ يَنظُرُ إِلَيْهِمْ يَوْمَ الْقِيَامَةِ وَلاَ يُزَكِّيهِمْ وَلَهُمْ عَذَابٌ أَلِيمٌ
(اس کے برخلاف) جو لوگ اﷲ سے کئے ہوئے عہد اور اپنی کھائی ہوئی قسموں کا سودا کر کے تھوڑی سی قیمت حاصل کر لیتے ہیں ان کا آخرت میں کوئی حصہ نہیں ہوگا، اور قیامت کے دن نہ اﷲ ان سے بات کرے گا، نہ انہیں (رعایت کی نظر سے) دیکھے گا، نہ انہیں پاک کرے گا، اور ان کا حصہ تو بس عذاب ہو گا، انتہائی دردناک !
آیت 77: اِنَّ الَّذِیْنَ یَشْتَرُوْنَ بِعَہْدِ اللّٰہِ وَاَیْمَانِہِمْ ثَمَنًا قَلِیْلاً: «یقینا وہ لوگ جو اللہ تعالیٰ کے عہد اور اپنی قسموں کو فروخت کرتے ہیں حقیر سی قیمت پر»
یعنی جب وہ دیکھتے ہیں کہ لوگ ہماری بات میں کچھ شک کر رہے ہیں تو خدا کی قسم کھا کر کہتے ہیں کہ ایسا ہی ہے ۔
اُولٰٓئِکَ لاَ خَلاَقَ لَـہُمْ فِی الْاٰخِرَۃِ: «یہ وہ لوگ ہیں کہ جن کے لیے کوئی حصہ نہیں ہے آخرت میں»
وَلاَ یُـکَلِّمُہُمُ اللّٰـہُ: «اور نہ اللہ ان سے کلام کرے گا»
وَلاَ یَنْظُرُ اِلَـیْہِمْ یَوْمَ الْقِیٰمَۃِ: «اور نہ ان کی طرف نگاہ کرے گا قیامت کے دن»
وَلاَ یُزَکِّیْہِمْ: «اور نہ ان کو پاک کرے گا»
وَلَہُمْ عَذَابٌ اَلِیْمٌ: «اور ان کے لیے دردناک عذاب ہے۔»
یہ مضمون بھی تقریباً پورا سورۃ البقرۃ (آیت: 174) میں آ چکا ہے۔