آیت ۵۱   اِنَّا نَطْمَعُ اَنْ یَّغْفِرَ لَنَا رَبُّنَا خَطٰیٰنَآ: ’’یقینا ہم امید رکھتے ہیں کہ ہمارا رب ہماری خطاؤں کو بخش دے گا‘‘

      اب ہمیں اگر کچھ طمع ہے، تو بس یہی ہے اور ہمارے دل میں اگر کوئی خواہش، کوئی آرزو اور تمنا ہے تو ایک ہی ہے، کہ ہمارا رب ہماری پچھلی خطاؤں سے درگزر فرمائے۔

      اَنْ کُنَّآ اَوَّلَ الْمُؤْمِنِیْنَ: ’’ کہ ہم ہی سب سے پہلے ایمان لانے والے ہیں۔‘‘

      کہ ہم نے سب سے پہلے اللہ کے رسول ؑکی تصدیق کی ہے اور کوئی دوسرا اس معاملے میں ہم پر سبقت نہیں لے جاسکا۔