آیت ۱۳۲ وَاتَّقُوا الَّذِیْٓ اَمَدَّکُمْ بِمَا تَعْلَمُوْنَ: ’’اُس کا تقویٰ اختیار کرو جس نے تمہیں مدد پہنچائی ہے ان چیزوں کے ذریعے جن کو تم جانتے ہو۔‘‘

      اللہ تعالیٰ نے تمہیں اولاد عطا کی ہے، مال و اسباب سے نوازا ہے، خوشحالی اور فارغ البالی دی ہے، وسیع خطہ ٔزمین بخشا ہے اور تمہاری اس زمین کو خصوصی طور پر زرخیز بنایا ہے۔ اور تم لوگ اس اللہ کو خوب پہچانتے ہو جس کی طرف سے تمہیں یہ تمام نعمتیں ملی ہیں۔