آیت ۸۰:  وَعَلَّمْنٰـہُ صَنْعَۃَ لَبُوْسٍ لَّکُمْ:   «اور ہم نے انہیں تمہارے لیے لباس کی صنعت سکھائی»

            یہاں لباس سے مراد جنگی لباس یعنی زرہ بکتر ہے۔ گویا زرہ حضرت داؤد کی ایجاد ہے۔ اللہ تعالیٰ نے حضرت داؤد کے لیے لوہے کو نرم کر دیا تھا اور انہیں یہ ہنر براہِ راست سکھایا تھا۔

            لِتُحْصِنَکُمْ مِّنْ بَاْسِکُمْ فَہَلْ اَنْتُمْ شَاکِرُوْنَ:   «تا کہ وہ تمہیں بچائے تمہاری جنگ سے، تو کیا تم شکر گزار بنتے ہو؟»

            جنگ کے دوران زرہ بکتر تلوار، نیزے اور تیروں سے ایک سپاہی کی حفاظت کرتی ہے۔