آیت  170:    وَاِذَا قِیْلَ لَہُمُ اتَّبِعُوْا مَــآ اَنْزَلَ اللّٰہُ :   اور جب ان سے کہا جاتا ہے کہ پیروی کرو اس کی جو اللہ نے نازل کیا ہے  

             قَالُوْا بَلْ نَـتَّبِعُ مَـآ اَلْـفَـیْـنَا عَلَیْہِ اٰبَــآءَنَا:    وہ جواب میں کہتے ہیں کہ ہم تو پیروی کریں گے اُس طریقے کی جس پر ہم نے اپنے آباء و اجداد کو پایا ہے۔   

             اَوَلَوْ کَانَ اٰبَآؤُہُمْ لاَ یَعْقِلُوْنَ شَیْئًا وَّلاَ یَہْتَدُوْنَ:   اگرچہ ان کے آباء و اَجداد نہ کسی بات کو سمجھ پا ئے ہوں اور نہ ہدایت یافتہ ہوئے ہوں (پھر بھی وہ اپنے آباء و اَجداد ہی کی پیروی کرتے رہیں گے؟)

            سورۃ البقرۃ کے تیسرے رکوع کی پہلی آیت (جہاں نوعِ انسانی کو خطاب کر کے عبادتِ ربّ کی دعوت دی گئی) کے ضمن میں وضاحت کی گئی تھی کہ جو لوگ تم سے پہلے گزر چکے ہیں وہ بھی تو مخلوق تھے جیسے تم مخلوق ہو، جیسے تم سے خطا ہو سکتی ہے ان سے بھی ہوئی،  جیسے تم غلطی کر سکتے ہو انہوں نے بھی کی۔