آیت 157:    اُولٰٓئِکَ عَلَیْہِمْ صَلَوٰتٌ مِّنْ رَّبـِّـہِمْ وَرَحْمَۃٌ:   یہی ہیں وہ لوگ کہ جن پر اُن کے ربّ کی عنایتیں ہیں اور رحمت۔    ان پر ہر وقت اللہ کی عنایتوں کا نزول ہوتا رہتا ہے اور رحمت کی بارش ہوتی رہتی ہے۔

             وَاُولٰٓئِکَ ہُمُ الْمُہْتَدُوْنَ:   اور یہی لوگ ہدایت یافتہ ہیں۔   

            یہ وہ لوگ ہیں جنہوں نے واقعتا ہدایت کو اختیار کیا ہے۔  اور جو ایسے مرحلے پر ٹھٹک کر کھڑے رہ جائیں،  پیچھے ہٹ کر بیٹھ جائیں،  پیٹھ موڑ لیں تو گویا وہ ہدایت سے تہی دامن ہیں۔