آیت ۷۷:  سُنَّۃَ مَنْ قَدْ اَرْسَلْنَا قَبْلَکَ مِنْ رُّسُلِنَ:   «یہی (ہمارا) طریقہ رہا اُن کے باب میں جنہیں ہم نے آپ سے پہلے بھیجا اپنے رسولوں میں سے»

            یعنی آپ سے پہلے جتنے بھی رسول آئے ان کے بارے میں ہمارا قاعدہ اور قانون یہی رہا ہے کہ رسول کی ہجرت کے بعد متعلقہ قوم پر سے اللہ کی اَمان اٹھا لی جاتی ہے اوراس کے بعد وہ قوم بہت جلد عذاب کی گرفت میں آ جاتی ہے۔  

              وَلاَ تَجِدُ لِسُنَّتِنَا تَحْوِیْلاً:   «اور آپ ہمارے طریقے میں کوئی تبدیلی نہیں پائیں گے۔»