الفجر

یہ وہ لوگ تھے جنہوں نے دُنیا کے ملکوں میں سرکشی اِختیار کر لی تھی

اور ان میں بہت فساد مچایا تھا

چنانچہ تمہارے پروردگار نے اُن پر عذاب کا کوڑا برسادیا

یقین رکھو تمہارا پروردگار سب کو نظر میں رکھے ہوئے ہے

لیکن انسان کا حال یہ ہے کہ جب اُس کا پروردگار اُسے آزماتا ہے، اور اِنعام واِکرام سے نوازتا ہے تو وہ کہتا ہے کہ : ’’ میرے پروردگار نے میری عزت کی ہے۔‘‘

اور دوسری طرف جب اُسے آزماتا ہے، اور اُس کے رزق میں تنگی کر دیتا ہے تو کہتا ہے کہ : ’’ میرے پروردگار نے میری توہین کی ہے۔‘‘

ہر گز ایسا نہیں چاہئے۔ صرف یہی نہیں ، بلکہ تم یتیم کی عزت نہیں کرتے

اور مسکینوں کو کھانا کھلانے کی ایک دوسرے کو ترغیب نہیں دیتے

اور میراث کا مال سمیٹ سمیٹ کر کھا جاتے ہو

اور مال سے بے حد محبت کرتے ہو