الـطلاق

یعنی وہ رسول جو تمہارے سامنے روشنی دینے والی اﷲ کی آیتیں پڑھ کر سناتے ہیں ، تاکہ جو لوگ اِیمان لائے ہیں ، اور جنہوں نے نیک عمل کئے ہیں ، ان کو اندھیروں سے نکال کر روشنی میں لے آئیں ۔ اور جو شخص اﷲ پر اِیمان لے آئے، اور نیک عمل کرے، اﷲاُس کو ایسے باغات میں داخل کرے گا جن کے نیچے نہریں بہتی ہوں گی، جہاں جنتی لوگ ہمیشہ ہمیشہ رہیں گے۔ اﷲ نے ایسے شخص کیلئے بہترین رزق طے کر دیا ہے

اﷲ وہ ہے جس نے سات آسمان پیدا کئے، اور زمین بھی اُنہی کی طرح۔ اﷲ کاحکم ان کے درمیان اُترتا رہتا ہے، تاکہ تمہیں معلوم ہوجائے کہ اﷲ ہر چیز پر پوری قدرت رکھتا ہے، اور یہ کہ اﷲ کے علم نے ہر چیز کا احاطہ کیا ہوا ہے