الحـديد

کون ہے جو اﷲ کو قرض دے؟ اچھا قرض ! جس کے نتیجے میں اﷲ اُسے دینے والے کیلئے کئی گنا بڑھا دے؟ اور ایسے شخص کو بڑا باعزت اَجر ملے گا

اُس دن جب تم مومن مردوں اور مومن عورتوں کو دیکھو گے کہ اُن کا نور اُن کے سامنے اور اُن کے دائیں جانب دوڑ رہا ہوگا، (اور اُن سے کہا جائے گا کہ :) ’’ تمہیں خوش خبری ہے اُن باغات کی جن کے نیچے نہریں بہتی ہیں ، جن میں تم ہمیشہ ہمیشہ رہو گے۔ یہی ہے جو بڑی زبردست کامیابی ہے۔‘‘

اُس دن جب منافق مرد اور منافق عورتیں ایمان والوں سے کہیں گے کہ : ’’ ذرا ہمارا اِنتظار کر لو کہ تمہارے نور سے ہم بھی کچھ روشنی حاصل کرلیں ۔‘‘ اُن سے کہا جائے گا کہ : ’’ تم اپنے پیچھے لوٹ جاؤ، پھر نور تلاش کرو۔‘‘ پھر اُن کے درمیان ایک دیوار حائل کر دی جائے گی جس میں ایک دروازہ ہوگا جس میں ایک دروازہ ہوگا جس کے اندر کی طرف رحمت ہوگی، اور باہر کی طرف عذاب ہو گا۔‘‘

وہ مومنوں کو پکاریں گے کہ : ’’ کیاہم تمہارے ساتھ نہیں تھے؟‘‘ مومن کہیں گے کہ : ’’ ہاں ! تھے تو سہی، لیکن تم نے خود اپنے آپ کو فتنے میں ڈال لیا، اور اِنتظار میں رہے، شک میں پڑے رہے، اور جھوٹی آرزوؤں نے تمہیں دھوکے میں ڈالے رکھا، یہاں تک کہ اﷲ کا حکم آگیا، اور وہ بڑا دھوکے باز (یعنی شیطان) تمہیں دھوکا ہی دیتا رہا

چنانچہ آج نہ تم سے کوئی فدیہ قبول کیا جائے گا، اور نہ اُن لوگوں سے جنہوں نے (کھلے بندوں ) کفر اِختیار کیا تھا۔ تمہارا ٹھکانا دوزخ ہے، وہی تمہاری رکھوالی ہے، اور یہ بہت بُرا اَنجام ہے۔‘‘

جو لوگ اِیمان لے آئے ہیں ، کیا اُن کیلئے اب بھی وقت نہیں آیا کہ اُن کے دل اﷲ کے ذکر کیلئے اور جو حق اُترا ہے، اُس کیلئے پسیج جائیں؟ اور وہ اُن لوگوں کی طرح نہ بنیں جن کو پہلے کتاب دی گئی تھی، پھر اُن پر ایک لمبی مدت گذر گئی، اور اُن کے دل سخت ہوگئے، اور (آج) اُن میں سے بہت سے نافرمان ہیں؟

خوب سمجھ لوکہ اﷲ زمین کو اُس کے مردہ ہو جانے کے بعد زندگی بخشتا ہے۔ ہم نے تمہارے لئے نشانیاں کھول کھول کر واضح کر دی ہیں ، تاکہ تم سمجھ سے کام لو

یقینا وہ جو صدقہ دینے والے مرد اور صدقہ دینے والی عورتیں ہیں ۔ اور انہوں نے اﷲ کو قرض دیا ہے، اچھا قرض۔ اُن کیلئے اُس (صدقے) کو کئی گنا بڑھا دیا جائے گا، اور اُن کیلئے باعزت اجر ہے

تحقیق جو لوگ خیرات کرنے والے ہیں، مرد اور عورتیں اور قرض دیتے ہیں اللہ کو اچھی طرح ان کو ملتا ہے دونا اور ان کو ثواب ہے عزت کا

اور جو لوگ اﷲ پر اور اُس کے رسولوں پر اِیمان لائے ہیں ، وہی اپنے رَبّ کے نزدیک صدیق اور شہید ہیں۔ اُن کیلئے اُن کا اَجر اور اُن کانور ہے۔ اورجن لوگوں نے کفر اَپنا لیا، اور ہماری نشانیوں کو جھٹلایا، وہ دوزخی لوگ ہیں