الأحزاب

جن میں وہ پھٹکارے ہوئے ہوں گے۔ (پھر) جہاں کہیں ملیں گے، پکڑ لئے جائیں گے، اور اُنہیں ایک ایک کر کے قتل کر دیا جائے گا

یہ اﷲ کا وہ معمول ہے جس پر اُن لوگوں کے معاملے میں بھی عمل ہوتا رہا ہے جو پہلے گذر چکے ہیں ۔ اور تم اﷲ کے معمول میں کوئی تبدیلی ہر گز نہیں پاؤ گے

لوگ تم سے قیامت کے بارے میں پوچھتے ہیں ۔ کہہ دو کہ اُس کا علم تو اﷲ ہی کے پاس ہے۔ اور تمہیں کیا پتہ شایدقیامت قریب ہی آگئی ہو

اس میں کوئی شک نہیں کہ اﷲ نے کافروں کو رحمت سے دُور کر دیا ہے، اور اُن کیلئے بھڑکتی ہوئی آگ تیار کی ہے

جس میں وہ ہمیشہ اس طرح رہیں گے کہ اُنہیں نہ کوئی حمایتی مل سکے گا، اور نہ کوئی مددگار

جس دن اُن کے چہروں کو آگ میں اُلٹا پلٹا جائے گا، وہ کہیں گے کہ : ’’ اے کاش ! ہم نے اﷲ کی اِطاعت کر لی ہوتی، اور رسول کا کہنا مان لیا ہوتا !‘‘

اور کہیں گے کہ : ’’ اے ہمارے پروردگار ! حقیقت یہ ہے کہ ہم نے اپنے سرداروں اوراپنے بڑوں کا کہنا مانا، اور اُنہوں نے ہمیں راستے سے بھٹکا دیا

اے ہمارے پروردگار ! ان کو دوگنا عذا ب دے، اور اُن پر ایسی لعنت کر جو بڑی بھاری لعنت ہو۔‘‘

اے ایمان والو ! اُن لوگون کی طرح نہ بن جانا جنہوں نے موسیٰ کو ستا یا تھا، پھر اﷲ نے اُن کو اُن باتوں سے بری کر دیا جو ان لوگوں نے بنائی تھیں ، اور وہ اﷲ کے نزدیک بڑے رُتبے والے تھے

اے ایمان والو ! اﷲ سے ڈرو، اور سیدھی سچی بات کہا کرو