الأعـلى

اپنے پروردگار کی تسبیح کرو جس کی شان سب سے اُونچی ہے

جس نے سب کچھ پیدا کیا، اور ٹھیک ٹھیک بنایا

اور جس نے ہر چیز کو ایک خاص انداز دیا، پھر راستہ بتایا

اور جس نے سبز چارہ (زمین سے) نکالا

پھر اُسے کالے رنگ کا کوڑا بنادیا

(اے پیغمبر !) ہم تمہیں پڑھائیں گے، پھر تم بھولوگے نہیں

سوائے اُس کے جسے اﷲ چاہے۔ یقین رکھو وہ کھلی ہوئی چیزوں کو بھی جانتا ہے، اور اُن چیزوں کو بھی جو چھپی ہوئی ہیں

اور ہم تمہیں آسان شریعت (پر چلنے کیلئے) سہولت دیں گے

لہٰذا تم نصیحت کئے جاؤ، اگر نصیحت کا فائدہ ہو

جس کے دل میں اﷲ کا خوف ہوگا، وہ نصیحت مانے گا