المطـفـفين

بڑی خرابی ہے ناپ تول میں کمی کرنے والوں کی

جن کا حال یہ ہے کہ جب وہ لوگوں سے خود کوئی چیز ناپ کر لیتے ہیں تو پوری پوری لیتے ہیں

اور جب وہ کسی کو ناپ کر یا تول کر دیتے ہیں تو گھٹا کر دیتے ہیں

کیا یہ لوگ یہ نہیں سوچتے کہ اُنہیں ایک بڑے زبردست دن میں زندہ کر کے اُٹھایا جائے گا؟

اُس بڑے دن کے واسطے

 جس دن سب لوگ رَبّ العالمین کے سامنے کھڑے ہوں گے

ہرگز ایسا نہیں چاہئے ! یقین جانو کہ بدکار لوگوں کا اعمال نامہ سجّین میں ہے

اور تمہیں کیا معلوم کہ سجّین (میں رکھا ہوا اعمال نامہ) کیا چیز ہے؟

وہ ایک لکھی ہوئی کتاب ہے

اُس دن بڑی خرابی ہوگی حق کو جھٹلانے والوں کی