آیت ۹۰:  وَلَقَدْ قَالَ لَہُمْ ہٰرُوْنُ مِنْ قَبْلُ:   «اور ہارون انہیں پہلے ہی کہہ چکا تھا»

            حضرت ہارون ان لوگوں کو پہلے ہی ان الفاظ میں سمجھانے کی پوری کوشش کر چکے تھے:   

            یٰـقَوْمِ اِنَّمَا فُتِنْتُمْ بِہِ:   «اے میری قوم کے لوگو! تمہیں تو اس (بچھڑے) کے ذریعے سے فتنے میں ڈالا گیا ہے۔»

            وَاِنَّ رَبَّکُمُ الرَّحْمٰنُ فَاتَّبِعُوْنِیْ وَاَطِیْعُوْٓا اَمْرِیْ:   «اور یقینا تمہارارب (یہ بچھڑا نہیں بلکہ) رحمن ہے، چنانچہ تم لوگ میری پیروی کرو اور میری بات مانو۔»