آیت ۲:  وَاٰتَیْنَا مُوْسَی الْکِتٰبَ وَجَعَلْنٰہُ ہُدًی لِّبَنِیْٓ اِسْرَآئِیْل:   «اور ہم نے موسی ٰ کو کتاب (تورات) دی اور ہم نے اُسے ہدایت بنایا بنی اسرائیل کے لیے»

            یہاں تخصیص کر دی گئی کہ تورات تمام بنی نوع ِانسان کے لیے ہدایت نہیں تھی، بلکہ درحقیقت وہ صرف بنی اسرائیل کے لیے ایک ہدایت نامہ تھی۔  

              اَلاَّ تَتَّخِذُوْا مِنْ دُوْنِیْ وَکِیْلاً: «کہ تم مت بناؤ میرے سوا کسی کو کارساز۔»

            یعنی تورات توحید کا درس دیتی تھی۔ اس کی تعلیمات کا لب لباب یہ تھا کہ اللہ کے سوا کسی بھی دوسری ہستی یا ذات کو اپنا کارساز مت سمجھو، اسے چھوڑ کر کسی دوسرے پر بھروسہ یا توکل نہ کرو۔